كشف الصحافي موسى عبدالله عمّا حصل في حفل الفنانين مايا دياب وعامر زيان في كازينو لبنان، حيث تأخرت دياب بوصلتها على المسرح وختمت الحفل، من دون احترام الوقت ووصلة عامر زيان.
وكتب على حسابه الخاص على تويتر: "بعض الفنانات حسوا حالهن وصلوا على المريخ، وما بقى يتهدوا. مايا دياب بحفلها الأخير بكازينو لبنان مع عامر زيان فكرت حالا من المريخ، وبطبيعة الحال عامر يللي رح يختم الحفل، وقال شو مايا ما قبلت، قال بدها تختم هيّ الحفل ع أساس عندا ارشيف كبير وتغني للعمالقة".
واضاف: "وعامر ما قبل وكسر كلمتها يللي مفكرة انو لازم تمشي عالكل، وكان مفروض تبدأ وصلتها الساعة ١٢ بالليل، تأخرت ساعة وتأخرت عالمسرح وهيدا كلو نكاية، وكانت شارية ٨٠ بطاقة لجماعتها من جيبتها الخاصة، ولما خلصت وصلتها طلبت من جماعتها يفلوا وما يحضروا وصلة عامر."
من جهة اخرى، ردّ الفنان عامر زيان على ما حصل وعلّق على تغريدة للصحفية هلا المر ساخرا وواصفا مايا دياب بـ"المحترمة" وكتب: "بس انسيتي شغلة ست هلا قدي ميوش كانت جدا "محترمة" و"احترمت" وقتها ووقت غيرها على المسرح وعالبلكة! إنتي كنتي موجودة والناس كانت حاضرة وشفتوا سوا قمّة "الاحترام الراقي" والفن.. بس للأمانة أكبر الفنانين اللي عندن أكبر تاريخ وشاركتن أجمل الحفلات ما عملوا اللي عملته "المحترمة" مايا".
وتجدر الاشارة إلى ان المرّ كانت قد كتبت على تويتر: "مايا دياب بحفلتها بكازينو لبنان كانت متألقة الجمال وغنت كتير حلو وأدت الاغنيات اللبنانية والمصرية وعيشتنا جو من الفرح والبهجة ونستنا همومنا وحسينا قديه الدنيي حلوة معها".